Polasaí agus gníomh!

‘Ní aithníonn muintir na hÉireann a luachmhaire is atá an Ghaeilge’ a deireann Joe McHugh. Ach bfhéidir gur amhlaidh atá sé go dtuigeann muintir na hÉireann a tabhachtach ach nach bhfuil an tuiscint ná an tabhachta sin á léiriú nó a thaispeáint  ag an Stáit?

“Is é an rud is mó a chuir iontas orm ná an méid daoine atá sásta an Ghaeilge a labhairt, fiú mura bhfuil ann ach cúpla focal, agus an dea-mhéin a thaispeáin daoine dom agus mé ag cur tús le mo thuras foghlama taca an ama seo anuraidh,” a dúirt sé, dár le alt i dTuairisc.ie ar maidin (17/7/2016)

Cén fáth a gcuireadh sé seo íontas air?  Agus nach trua nach bhfuil an Stát Chóras féin "sásta an Ghaeilge a labhairt!"

Ní ghlacann sé leis go bhfuil “géarchéim teanga sa Ghaeltacht” ná nach bhfuil dóthain á déanamh ag an Stát chun dul i ngleic leis an ngéarchéim sin.

I bhfocail Sheáin Uí Chuirreáin, 'Níltear sásta barántas a thabhairt go mbeidh seirbhísí stáit á soláthar i nGaeilge do phobal na Gaeltachta gan cheist gan choinníoll, rud a chiallaíonn go bhfuil an státchóras le leanúint de bheith ag rá le pobal na Gaeltachta: “Labhraígí Gaeilge le chéile ach ná labhraígí linne í”.' (23/1/2014)

An solas glas! Ar an lá céanna tá nuacht againn go bhfuil páirtí polataíochta amháin ní hamháin sásta polasaí teanga a fhógairt ach tá siad sásta gníomh a dhéanamh ós comhair an pobal tré suíomh iomlán Gaeilge a seoladh - caomhaontasglas.ie. Níl aon pháirtí eile sásta é sin a dhéanamh. Ar a laghad tá an páirtí sin sasta labhairt leis an bpobal agus, íontas na n-íontas - eatartha féin. Níl feabhas ar bith ar shuíomh na páirtithe eile ó 2010 faraoir!

Polasaí agus gníomh!

"...easpa dáiríreacht an rialtais seo i leith na Gaeilge agus na Gaeltachta!"

Agus an píosa a scríobhadh inné faoi rúndacht dhocht, agus easpa trédhearcachta an Rialtais i leith cheiste na Gaeilge agus an Aontae Eorpach tháinig an ráiteas seo ó urlabhraí Pháirtí Shinn Féin ar chúrsaí Ghaeilge & Gaeltachtaí. Bhfuil íontas ar éinne?

Ag feitheamh ar fhreagra!

Seo an ráiteas ina iomláine!
Tá fearg léirithe ag an Seanadóir Trevor Ó Clochartaigh nach bhfuil sé tar éis freagra ar bith a fháil ar iarratas ar an gcomhchoiste Oireachtais, a bhfuil cúraimi Gaeilge & Gaeltachta orthu, maidir le h-éisteacht a ghairm faoin uasdátú ar an Staidéar Chuimsitheach Teangeolaíochta ar Úsáid na Gaeilge sa Ghaeltacht.

Ag labhairt dó inniú deir sé: ‘Tá scríofa agam trí h-uaire anois chuig Cathaoirleach agus Cléireach an Chomhchoiste Comhshaoil, Cultúr & Gaeltachta, ag moladh go ndéanfaí cruinniú don bhfochoiste Gaeilge & Gaeltachta a eagrú chomh luath agus is féidir chun an uasdátú ar an Staidéir Chuimsitheach Teangeolaíochta ar Úsáid na Gaeilge sa Ghaeltacht, a rinne Údarás na Gaeltachta, a phlé.

‘Mhol mé go dtabharfaí cuireadh d'Údarás na Gaeltachta, an t-údar Conchúir Ó Giollagáin agus ionadaithe ó Chonradh na Gaeilge, Tuismitheoirí na Gaeltachta agus Gaelscoileanna le fianaise a thabhairt maidir leis an uasdátú.

‘Ní fiú is go bhfuair mé freagra uathu ar m’iarratas, cé gur scríobh mé ar an 9ú Meitheamh, arís ar an 26ú Meitheamh agus arís inniú. Labhair mé go pearsanta leis an gCathaoirleach, Michael McCarthy TD agus le baill fóirne a bhíonn ag plé le h-obair an chomhchoiste idir an dá linn freisin agus smid níor airigh mé ar ais uathu.

‘Is i nGaeilge amháin a bhí mo chomhfhreagras, rud a shíl mé a bhí ceart i gcomhthéacs an t-ábhar a bhí mé ag ardú. Níl fhios agam an bhfuil baint ar bith aige sin le m’iarratas, nó an é nach suim leis an gcomhchoiste atá freagrach as na réimsí seo sa gceist thábhachtach atá ardaithe agam?

‘Tá amhras orm gur léiriú eile é seo ar easpa dáiríreacht an rialtais seo i leith na Gaeilge agus na Gaeltachta’.

"...easpa dáiríreacht an rialtais seo i leith na Gaeilge agus na Gaeltachta!"

Rúndacht dhocht, agus easpa trédhearcachta an Rialtais! Cúis eile díomá ag an bPiarsach?

Ar ndóigh, is i mBéarla a bheidh an dréacht-Rialachán molta a chuirfidh an Stát faoi bhráid na Comhairle. Ní ghlacfaí le leagan i nGaeilge – de dheasca an mhaolaithe!

Níos luaithe sa bhliain bhí Comhdháil Cearta Teanga eagraithe ag Conradh na Gaeilge i mBaile Átha Cliath. Rinneamnar chuid den méid a dúirt An Coimisinéir Teanga a fhoilsiú faoin dtideal, Cur chuige an mhéir fhadachais!  Bhí tuairisc ar an gcruinniú féi i mBearla

Dúirt an Taoiseach go mba léir go raibh an
Piarsach an-dílis do  thraidisiún na hÉireann
& don Ghaeilge &gur dóigh go mbeadh díomá
air faoi chúlú na teanga. (Ros Muc Iúl 2015)

Mar chuid eile den gcomhdháil bhí mír ar pholasaí i leith na Gaeilge san Aontas Eorpach ó athníodh mar teanga oifigiúil an chomhphobail í sa bhlaiin 2007. Tá tuairisc i mBéarla faoin gcruinniú le fáil anseo. San cruinniú thug an Feisire Eorpach, Liadh Ní Riada, tuairisc ar a taithí féin den chomhionnasa seo agus níos déanaí chonaiceamar go léir a deachracht a pointe a dhéanamh ina teanga féin. Nuair a deanadh an cinneadh sa bhliain 2007 cinneadh ar maolú ar an aitheantas seo le seans a thabhairt na h-aicmhainní cuí a chuir i bhfeidhm. Maolú sealadach a bi i gceist.

I measc na cainteoirí eile bhí an tOllamh Pádraig B Ó Laighin, saineolaí ar chursaí teanga san Aontas Eorpach. Ina chaint thug sé cúntas ar na hiarrachtaí a rinne sé cruinnithe a eagrú le hAirí Rialtais gan mórán toradh. (I ndairíre dár liom fhéin ba scannalach agus maslach an dóigh a gcaith an Rialtas leis an Ollamh sna cúrsaí seo.) Ach bhí sé lán cinnte ag an deireadh go raibh cinneadh déanta ag an Rialtas nach gcuirfeadh deireadh leis an maolú ag deireadh na bliaina seo chugainn. Dúir sé nach raibh gá ag an Rialtas aon rud a dhéanamh chun deireadh a chuir leis an maolú. Titfadh an maolu go go huathoibríoch ar an 31 Nollag 2016. Bheadh ar an Rialtas iarraidh foirmeálta ar an Aontas leanúint leis an maolú ar ár dteanga Náisiúnta.

Ag an gCruinniú i mí Feabhra 2015

Le déanaí tuairscaíodh go raibh leid tugtha ag an Aire Stáit Joe McHugh "nach n-éileofar go gcuirfí deireadh iomlán le ‘maolú’ na Gaeilge san AE." I ndairíre is dearbhú oscailte faoi dheireadh é ar an méid a dúirt an Ollamh Ó Laighin!

Ar maidin (7/7/2015) tá alt scríofa aige i dTuairisc.ie ina bhfuil an cuid is mó den méid a dúirt sé ag an gcruinniú ach anois tá sé ládraithe go mór a bhuíochas don Aire McHugh. Dúirt an Aire "go raibh obair ullmhúcháin ar siúl ar dhréacht-Rialacháin maidir leis an maolú i leith na Gaeilge san Aontas Eorpach.

"Dóibh siúd a dteastaíonn aistriúchán uathu, b’admháil ag an Rialtas é sin, den chéad uair, go raibh beartaithe aige an maolú a athnuachan. Ní bheadh aon ghá le dréacht-Rialachán dá mbeifí chun ligean don mhaolú dul in éag. Dheimhnigh an tAire Stáit ina fhreagra nárbh fholáir don Stát a bheith tomhaiste agus réasúnach ina chur chuige, agus riachtanais earcaíochta agus úsáid reatha na Gaeilge sna hinstitiúidí a chur san áireamh. D’aontóinn leis ina leith sin."

Mar a dúradh ag an gcruinniú níos túisce i mbliana ní gá don Rialtas aon rud a dhéanamh le go bhfaigheadh an Ghaeilge a cearta iomlán mar theanga oifigiúil ach bheadh ar an Rialtas gníomh a dhéanamh go leanfadh an maolú. Is cosúil go bhfuil cinneadh déanta ag an rialtas "dréacht-Rialacháin maidir leis an maolú i leith na Gaeilge san Aontas Eorpach" a chuir ós comhair na húdaráis Eorpach agus nach mbeadh lán cead ag Feisirí Eorpach nó ionadaithe eile as Éirinn teanga oifigiúil Eorpach a úsáid ag gach cruinniú gan cead gan coinneal. "Ar ndóigh, is i mBéarla a bheidh an dréacht-Rialachán molta a chuirfidh an Stát faoi bhráid na Comhairle. Ní ghlacfaí le leagan i nGaeilge – de dheasca an mhaolaithe!"

Is cosúil go bhfuil an Rialtas, ón dTaoiseach anuas, ag caitheamh leis an Dr. Ó Laighin i gcónaí go maslach, mar a deireann sé fhéin: "Cé go raibh plé agam leis an Roinn ar fágadh na socruithe faoina cúram, níor thug an Taoiseach ná an státchóras trí chéile freagra substainteach ar mo litir, ná aon eolas dom faoina raibh á bheartú nach raibh agam féin cheana. Leanadh den rúndacht dhocht, den easpa trédhearcachta."

"Bheadh imní ar an bPiarsach faoin mbail atá ar an nGaeilge!" a dúirt an Taoiseach ag Ros Muc ag tús na seachtaine seo. Is léir ón dtaithí an Dr Uí Laighin go mbeadh an imní sin ann i gcónaí agus an "rúndacht dhocht," agus an "easpa trédhearcachta" seo ar siúl ag Rialtas Éireann.

Is cosúil go bhfuil an rabhadh a thug Seán Ó Cuirreáin arís agus arís eile dúinn ag tárliúnt.

"Tráth a bhfuil muid ag teannadh lenár bhflaitheas eacnamaíoch a fháil ar ais, ba mhór an feall é dá gcaillfimis ár bhflaitheas teanga – bunchloch dár bhféiniúlacht chultúrtha, dár n-oidhreacht agus dár n-anam mar náisiún. Creidim gur measa mar bhaol é sin anois ná riamh." (2013)

"Ach deirim an méid seo go cinnte libh inniu anseo i dTithe an Oireachtais – gur le croí trom a thabharfas pobal na Gaeilge agus na Gaeltachta aghaidh ar chomóradh 100 bliain Éirí Amach na Cásca, faoi cheann dhá bhliain eile, mura bhfuil inár dteanga náisiúnta ach teanga shiombalach agus, seachas í a bheith ina croíchuid dár gcultúr agus dár n-oidhreacht bheo, go mbeadh sí brúite ar leataobh, fágtha ar an imeall agus in áit na leathphingine i saol an náisiúin seo." (2014)

Rúndacht dhocht, agus easpa trédhearcachta an Rialtais! Cúis eile díomá ag an bPiarsach?

Moltaí oideachais Ghaeltachta!

Is am cinniúnach é seo don Ghaeltacht agus is ceart polasaí oideachais Gaeltachta a chur i bhfeidhm ar bhonn práinne. Is comhartha maith é go bhfuil an Roinn ag lorg aighneachtaí ón bpobal. Tá sé scanrúil nó náireach nách ndearna a leithéid de staidéar nó suirbhé ó bunaíodh an Stáit ó dheas!

Scoil Dhún Chaoin - i gCorca Dhuibhne

Bhí tinreamh mór ag cruinnithe i dtrí cheantair Ghaeltachta i gConamara eagraithe ag Tuismitheoirí na Gaeltachta,agus nóchtaíodh neart smaointe suimiúla ag na cruinnithe sin. Tá litir san Irish Times inniú a deireann go bhfuil deireadh na Gaeltachta beagnach cinnte mar nach bhfuil pobal na Gaeltachta sásta usáid na teanga a cothú nó a chur chun chinn. B'fhéidir gur comhartha é seo den bPobal féin ag tosú ar chosaint éiteas nó meon an phobail sin.

Is fiú go mór breathnú ar ortha agus tá súil ag pobal na Gaeltachta go nglachfaidh an Roinn Oideachas & Saothar (ROS).  Tá alt i dTuairisc.ie a deireann go bhfuil níos mó na dhá chéad aighneachtaí faighte ag an Roinn.

Seo liosta de na príomh pointí:

1. Tá sé práinneach go gcuirfí tuilleadh tacaíochta ar fáil don chainteoir dúchais sa gcóras oideachais luathóige le tacaíocht a thabhairt do shealbhú na teanga agus le nósmhaireacht láidir teanga a bhuanú i measc an aoisghrúpa ríthábhachtach seo. 2. Tá sé riachtanach go n-eiseodh an Roinn Oideachais treoir faoin tumoideachas rud a chiallaíodh go mbeidh sé éigeantach seachas roghnach i scoileanna. 3. Tá gá le treoir chinnte ón ROS faoi na scrúduithe caighdeánaithe i nGaeilge agus i mBéarla freisin, sa gcaoi is nach mbeidh brú ar aon scoil ó thaobh cur i bhfeidhm iomlán an luath thumoideachais. 4. Déanaim éileamh ar an Roinn Oideachais an curaclam nua theangacha don Ghaeilge atá á réiteach ag an gComhairle Náisiúnta Curaclaim agus Measúnachta a chur siar go dtí go gcuirfear an polasaí nua oideachais i bhfeidhm sa nGaeltacht. 5. Ba mhaith liom dá gcuirfí cúrsa Gaeilge iomlán nua dúshlánach don Teastas Sóisearach agus don Ardteist ar fáil ina ndéanfar an fhorbairt chéanna agus a dhéantar sa gcuraclam Béarla ar chumas na ndaltaí chun iad féin a chur in iúl agus go mbeidh béim ar fhorbairt foclóra agus saíocht chultúrtha agus liteartha na Gaeilge. 6. Ba chóir cúrsa céime faoi leith san oideachas Gaeltachta/Gaeilge ina mbeidh múinteoirí, a fhágfaidh go mbeidh cáilíocht ag múinteoirí le dul i mbun teagaisc i scoileanna Gaeltachta/Gaelscoileanna. Ba cheart go mbeadh bliain éigeantach sa nGaeltacht agus tréimhse cleachtadh múinteoireachta san áireamh mar chuid den oiliúint shainiúil seo. 7. Creidim go láidir go gcaithfear struchtúr a chur ar bun le cur i bhfeidhm an pholasaí nua seo a riaradh. Ní mór Bord Oideachais Gaeltachta a chur ar bun ar bhonn práinne, go mbeadh an fhoireann, na háiseanna agus na hacmhainní cuí curtha ar fáil don struchtúr nua seo agus go mbeadh ceanncheathrú an Bhoird lonnaithe sa nGaeltacht. 8. Molaim go láidir nach gceadófaí d’aon scoil sa nGaeltacht athrú go scoil Bhéarla ach go dtacófaí lena mhalairt – go mbeadh sé de rogha ag scoil atá ag múineadh i mBéarla nó go dátheangach athrú chuig stádas scoil Ghaeilge sa nGaeltacht. Molaim freisin nach gceadófaí d’aon scoil nua a bhunófaí sa nGaeltacht feidhmiú mar scoil Bhéarla.

Caithfear na moltaí seo a chur i bhfeidhm go práinneach chomh luath agus is féidir mar nach bhfuil ag éirigh leis an gcóras mar atá leagtha amach faoi láthair sealbhú/múineadh na Gaeilge a chur chun cinn sa nGaeltacht.

Cinnte is am cinniúnach é seo don Ghaeltacht agus tá géarghá le polasaí oideachais Gaeltachta a chur i bhfeidhm ar bhonn práinne.

Moltaí oideachais Ghaeltachta!

Caillte sna figiúirí!

Ar bhealach nach bhfuul an iomarca béim á chur ar na staitisticí.

Cinnte tá gá le rudaí a thomhas ach níl ann ach comharaimh. Mura bhfuil iniúchadh agus meastóireacht neamhspleách á dhéanamh, ní dócha gur féidir linn aon pholasaí a mheas is gceart nó a cheartú. Más féidir a rá go bhfuil polasaí ar bith ann.

Agus figiúirí, tuairiscí, meastúcháin agus easpa pholasaithe á phlé againn tagann focail Sheáin Uí Chuirreáin chugainn: "...idir an dá linn, tic-toc, tá an t- am ag sleamhnú agus más fíor gur go mall a mheileann muilte Dé, is léir gur níos moille fós a mheileann muilte an státchórais, go speisialta i réimse na teanga." (23/1/2014). 

Nach mbeadh sé níos tabhachtaí "ceist" na Gaeilge a thógaint ar ais ón Stát Chóras agus ó "acamademia" agus a thabhairt thár n-ais do phobal na sráide, Pobal na hÉireann, muide, gur linne í an Ghaeilge?

Chuireann iGaeilge a mhéar ar an fhadhb nuair a deireann sé:  "Ag croí na ceiste a thog Donncha Ó hÉallaithe,  bhí seo:  cé mhéid den aos óg atá ag labhairt na Gaeilge go laethúil le cáirde dá comhaois?

"In áit bheith ag brath ar thaighdeoirí acadúla, mar a dúirt fear liom le déanaí, agus aontaim leis, tá gá le comhrá a thosnú leis an aos óg faoin dteanga.  Cad é a dearcadh ina leith, i bhfirinne?   Tá gá seo a dhéanamh go leitheadach is go cuimsitheach is gan mhoill."

Tá céim mar sin tógtha  mar shampla ag Seo Linn ag tús na míosa seo agus iad a tabhairt "cic sa tóin do chultúr na ndeontaisí!" . Thárla sé anuireadh nuair a tháinig na sluaite amuigh ar Shráideanna Naofa Átha Cliath agus Béal Feirste agus iad "Dearg le Fearg!" Agus ar phríomh bhóthair Chois Fharraige le "Slán le Seán" a rá.

Mar a dúirt duine níos léanta ná mé "Gluaiseacht na Gaeilge: Gluaiseacht ar Strae!" Agus beidh sé i gcónaí mar sin má tá muide, mise agus tusa atá á léamh seo sásta an obair go léir a fhágáil ag "Lucht na Gluaiseachta!"

Ach conas?

Rud simplí amháin agus tú ar na meáin shóisialta cén teanga a úsáideann tú? Nuair atá radharc álainn á roinnt agat is féidir leat "Beautiful view!" nó "Radharc álainn!" le do leantóirí.  "Seo caifé deas i mBaile Átha Claith!" nó "This is a nice place to eat in D!" Más ceist politiúil is féidir do thuairimí a thabhairt i nGaeilge - cursaí Uisce Éireann, ceist chóid phoist agus an praiseach atá á dhéanamh ar sin.

Fiú má tá tú ag iarraidh a dhíriú ar alt sna meáin Bhéarla abir rud mar, "Iar-rúnaí sa an Roinn Airgeadais le bheith ós comhair choiste oireachtas - http://www.irishtimes.com/business/economy/banking-inquiry-cardiff-to-challenge-trichet-evidence-1.2249320" agus eile.

Ach má deireann scríobhnóir iGaeilge, "Ní gá fánacht ar údarás stáit chun é a dhéanamh.  Is féidir linne é a dhéanamh. Ní mór dúinn tabhairt faoi seo.  Ceisteanna deacair 'fasta suas' iad seo le plé le na glúinte níos óige - ach tá taithí ag dhaoine fásta ceisteanna deacra a phlé lenár bpáistí nach bhfuil?  

"Nó an bhfagfaimíd faoin idirlíon é?   Má dheinimíd amhlaid, íocfaimíd go daor as!

"I ndiaidh an comhrá, gníomh."

Thár aon rud eile  oscailímís ar mbéal agus labharaimís Gaeilge ní hamháin le chéile ach leis an saol!

Caillte sna figiúirí!

An giolch Ghaelach! "Abair leat!"

Spreag an píosa se díospóireacht ar líne agus as sin d'fhás an moladh seo:

"Iarr ar na múinteoirí daltaí a chur a tweeteáil as Gaeilge."

Bhí teachtaireach le déanaí go raibh níos mó ná milliún teachtaireachtaí curtha amach ar an gcóras giolcaireachta Twitter. Ansin cuireadh an cheist "Cén fhaid a thógfaidh sé orainn 2,000,000 tweet Gaeilge a bhaint amach - bunaithe ar an líon reatha tweeteannaí laethúla Gaeilge?" Tháinig freagra tobann, beacht gearr thár n-ais, "15 Meitheamh 2018!"

Twitter as Gaeilge Conas an leagan Gaeilge de twitter a úsáid! Téir thuas go "Profile & Settings" (ar bharr ar dheis le do phictiur próifíle) Brú air agus téir síos go "Settings:" Téir go "Language" agus roghnaigh "Gaeilge (beta)" Téir go bun an leathanaigh agus brú "Save Changes!" Beidh ort do phasfhocal a bheith agat! Anois tá do chúntas twittir Gaelaithe agat! Chomhgairdeachas!

Ceapfá gur freagra greannmhar a bhí ann ach gur ón saineolaí Meiriceánach, Kevin Scannell, a tháinig sé. Seo fear, matamaiticeoir, ag obair in Olscoil thiar i St Louis ar bhruach an Mississippi atá éacht deanta aige as son teangacha atá i mbaol, an Ghaeilge ach go h-áraithe faoin dtideal, "Indiginous Tweets." Tá neart obair déanta aige (agus daoine eile ar ndóigh) le leaganacha ceart Gaeilge a chuir ar na hardáin mheáin shoisialta mar twitter nó facebook. Agus muid ag caint ar sin bhí alt i dTuairisc.ie ar an obair ar twitter le deanaí, "Ba é ‘Tweet’ féin an focal ba chonspóidí...!" Tá eolas eile ar obair aistriúcháin an Ollaimh Scannell le fáil anseo  i Scéalta ón gCibearspás ón bhfoinnse céanna!

Tá pobal na Gaeilge go mór faoi chomaoin aige!

Tá cuarbhreacadh ar an méid tuíteanna a seoladh le blianta anuas agus tharraing sé graf (thíos) a léiríonn an fás atá ar sin ó 2011 i leith atá thár a bheith suimiúil:

K. Scannell 8 Bealtaine 2015

Léiríonn sé go bhfuil meadú éigin ag tárlúint ach tabhair faoi deara a thárla ag tús 2014 nuair a bhí níos mó tuíteanna ná ag aon am eile. Má smaoiníonn muid ar an t-am sin bshin aimsir na mórshúil, Dearg le Fearg, Lá Mór na Gaeilge agus Slán le Seán. Bunaithe ar an eolas sin is féidir leis tuar a dhéanamh ar chatheann a mbeidh an dhá mhilliúin déanta againn.

Ach ar ndóigh mar a dúirt @teamhair2016, "bheadh sé iontach dá dtarlódh sé le linn 2016!" agus mar a dúirt Kevin "Abair leat!"

Cuireann sé íontas orm an méid daoine i bPobal na Gaeilge agus fiú sa Ghaeltacht féin a deineann tuíteáil i mBéarla don chuid is mó. Ina measc siúd tá polaiteoirí Gaeltachta mar Éamon Ó Cuív nó Pearse Doherty. Déanann Trevor Ó Clochartaigh iarracht a theanga dhúchasach a úsáid agus bíonn cor cheann leis ó Sheán Kyne.  Bhí sé spéisiúil nár chuir Joe Hughes tweet amach i nGaeilge go dtí gur ceapadh ina Aire Stáit Gaeltachta é.

Nach mbeadh sé go deas dá mbeadh an dara miliúin giolch a seinnt sa bhliain 2016 mar chomóradh 1916.

---

• Litir a léadh amach ar Lá Mór na Gaeilge (15 Feabhra 2015)
• Litir ó Aois Óg na Gaeltachta a cuireadh isteach ag Roinn na Gaeltachta ("Slán le Seán" 23 Feabhra 2015)

---

• Tweeting as Gaeilge (The Social - 6/3/2015 - i mBéarla)

Aistriú go Gaeilge!

An giolch Ghaelach! "Abair leat!"

Litir ón Aire! #Gaeilge #Gaeltacht #Oideachas

Tá an chuid le moladh sa mhéid a bhí á nochtadh ag an Roinn Oideachas i leis oideachas sa Ghaeltacht inné (5 Bealtaine 2015). Is mór an acar idir an Aire seo, Jan O'Sullivan is cosúil agus an Aire a bhí ann roimpi! Mar a dúirt duine dóibh siú a bhí i láthar ag an preas ocáid ina cuireadh an polasaí i láthair, "Ni féidir a rá a rá gur rud stairiúil muna gcuirtear i bhfeidhm é!"

Seo an litir ón Aire ar an ábhar!

Is mian leis an Roinn Oideachais agus Scileanna cuireadh a thabhairt duit féin, agus d’eagraíocht, tuairimí a nochtadh maidir le Moltaí Polasaí don Soláthar Oideachais i Limistéir Ghaeltachta atá díreach foilsithe ag an Roinn.

Aithnitear i gcás scoileanna atá lonnaithe i limistéar Gaeltachta na feidhmeanna ar leith mar a bhaineann le cuidiú leis an nGaeilge a choinneáil mar phríomhtheanga. Aithnítear freisin na dúshláin atá roimh na scoileanna freastal ar riachtanais na bhfoghlaimeoiri ó chúlraí teanga éagsúla, lena n-áirítear cainteoirí dúchais agus foghlaimeoirí Gaeilge.

Tugtar deis le Moltaí Polasaí don Soláthar Oideachais i Limistéir Ghaeltachta chun dul i ngleic leis na dúshláin sin agus polasaí oideachais Gaeltachta mar ba chóir agus a bheidh oiriunach don ábhar a shainiú agus a fheidhmiú. Tá leagan Gaeilge agus leagan Béarla de Moltaí Polasaí don Soláthar Oideachais i Limistéir Ghaeltachta faoi iamh agus tá fáil ar chóip leictreonach den cháipéis ar shuíomh gréasáin na Roinne. Tá fáil ar an suíomh gréasáin chomh maith ar na ceithre thuarascáil taighde a bhí mar bhonn leis na moltaí.

Ceangailte leis an litir seo, tá suirbhé gairid (pdf) mar a bhaineann le Moltaí Polasaí don Soláthar Oideachais i Limistéir Ghaeltachta. Ba mhór ag an Roinn tuairimí eagraíochtaí i limistéir Ghaeltachta a fháil ar na roghanna polasaí atá leagtha síos san fhoilseachán sin.

Iarrtar ort, le do thoil, dul i gcomhairle le d’eagraíocht faoi na moltaí polasaí agus an suirbhé a chomhlánú agus a sheoladh ar ais tríd an bpost, nó go leictreonach ar an suíomh gréasáin faoin Luan 15 Meitheamh 2015 ar a dhéanaí.

Táthar ag súil go mór le do thuairimí agus tuairimí d’eagraíocht faoi na moltaí polasaí a fháil agus táthar buíoch díot as do chomhoibriú leis na socruithe cuí a dhéanamh ina leith sin.

Litir ón Aire Jan O'Sullivan, 5/5/2015

Litir ón Aire! #Gaeilge #Gaeltacht #Oideachas