Showing posts with label Gaelscéal. Show all posts
Showing posts with label Gaelscéal. Show all posts

11.1.12

Litir ó Julian & Éamonn

Éamonn Mac Niallais ar chlé agus Julian de Spáinn
A chara,

Tá súil againn go raibh Nollaig an-deas agat.

Lon Dubh
Is féidir leat aighneacht a sheoladh isteach nó suirbhé a líonadh amach anseo
"Iarraim oraibh uilig an suirbhe seo a líonadh isteach le bhur dtoil, ní ghlacann sé ach 10 noiméad. Is féidir leat ansin clárú leis an suíomh facebook seo le léiriú go bhfuil sé déanta agat." (Brú an cnaipe "Beidh mé ann!")
Tá sé fíorthábhachtach go bhfuil Acht Teanga ann agus nach ndéanfar lagú as cuimse air. Ní bheidh an deis seo againn arís lenar dtuairimí a thabhairt.
Táimid ag scríobh chugat le huasdátú ar an bhfeachtas. Tá 20 lá fágtha san athbhreithniú ar Acht na dTeangacha Oifigiúla agus deis fós againn dul i bhfeidhm ar an Roinn agus ar an Rialtas leis an gcinneadh le hOifig an Choimisinéara Teanga a dhúnadh mar oifig reachtúil neamhspleách, agus a cuid feidhmeanna ar fad a chur isteach faoi Oifig an Ombudsman a athrú.

D'éirigh go maith leis an litir a cuireadh le chéile don fheachtas. Foilsíodh í san Irish Examiner, Irish Times, Galway Advertiser agus Gaelscéal. Tá roinnt mhaith nuachtáin eile len í a fhoilsiú go luath (mar eolas, i gcásanna áirithe ghearr nuachtáin áirithe siar ar an líon daoine luaite leis an litir mar gheall ar spás sa nuachtán).

Tá cóip den bhileog eolais mar iatán leis seo leis na grúpaí ar fad a tháinig ar ais chugam luaite léi. is feidir leis an mbileog seo a úsáid leis na polaiteoirí.

Tá níos lú ná trí seachtaine againn leis an mbrú deireanach a chur ar an Roinn. Bheadh sé iontach más féidir leat na rudaí seo a leanas a dhéanamh mar ábhair práinne:

• Cinnte a dhéanmh go bhfuil an deichniúr a d'iarr tú orthu an suirbhé a lionadh tar éis sin a dhéanamh

• Aighneacht a chur chuig an Roinn muna bhfuil sé déanta agat cheana féin

• Labhairt le do pholaiteoirí áitiúla  (tá an bhileog eolais anseo - pdf)

Go raibh maith agat,

Julian & Éamonn

Julian de Spáinn,
Ard-Rúnaí,
Conradh na Gaeilge.
julian@cnag.ie
01 4757401/086 8142757
Éamonn Mac Niallais,
Urlabhraí,
Guth na Gaeltachta.
eolas@guthnag.com
087 6387468

p.s. Tá cuireadh chuig an siompóisiam ‘Acht na dTeanga Oifigiúla: Leasú chun Feabhas’ á eagrú ag Scoil an Dlí agus Oifig na Gaeilge, Coláiste na Tríonóide agus Craobh na Ceithre Cúirte de Chonradh na Gaeilge le tacaíocht ó Ghuth na Gaeltachta mar iatán leis seo. Beidh sé ar siúl ar an Satharn, 21 Eanáir, ó 09.30 go dtí 15.00 i gColáiste na Tríonóide. Is féidir suíochán a chur in áirithe trí ríomhphost a chur chuig sine@cnag.ie má tá tú ag iarraidh freastail air.
Share/Save/Bookmark

8.3.11

Easpa cúirtéise Fine Gael!

Anois is arís deanaim teangabháil leis an páirtithe polataíochta, ranna Rialtais nó an Post, BSL, (nó fiú an CLG!). I nGaeilge amháin a scríobhfainn agus bheinn ag súil le freagra sa teanga chéanna. Go ró-mhinic is i mBearla a scrítear thar n-ais chugam!

Entirely commited...?
Deireann na páirtaithe uilig ó dheas go bhfuil siad "i bhfabhar" na teanga, pé brí atá leis seo. Ní baintear úsáid as an teanga ar aon cheann de na suíomhanna idirlín acu.

An ráiteas a rinne Fine Gael (Béarla) agus Lucht Oibre (Béarla) ag an Deiredh Seachtaine is i mBearla amháin a éisíodh é ag an am agus níorbh fhéidir liom an leagan Gaeilge a fháil ar na suíomhanna.

Bhí sampla uafásach den fimínteacht seo le feiceáil i nGaelscéal ar an Aoine. Bhí imní ag cailín óg Gaeltacht i dtaobh polasaí Fhine Gael i leith na Gaeilge agus scríobh sí chuca ina a teanga féin, teanga phobal Rath Chairn. Ba náireach míchúirtéiseach an fhreagra a fuair sí ó Phil Hogan, Stiúirtheoir Toghchánaíochta Fine Gael. Scríobh sé chuig Rath Chairn, An Mi (sic) agus i mBéarla amháin gan oiread is focail amháin Gaeilge ann agus ag maoimh, "....that Fine Gael is entirely committed to the Irish language and it's future."

Agus is féidir linn léamh idir na línte ".....but for God's sake don't ask us to use it!"
Share/Save/Bookmark

6.12.10

Fine Gael nó Fine Gall?

Is cosúil go raibh an-díospóireacht i Steach Lorgán le deanaí ag cruinniú poiblí a bhí eagraithe ag Fine Gael.

Déarfainn gur ceisteanna ar pholasaí eacnamaíochta a bhí a lucht eagraithe ag súil ach is cosúil gur tharraing fear óg, iarr bhall den pháirtí, ceist na Gaeilge. De réir tuairisc i nGaelscéal  dúirt sé nach bhféadfadh sé vóta a chaitheamh d’Fhine Gael a thuilleadh “i ngeall ar pholasaí teanga atá thar a bheith tubaisteach do thodhchaí na Gaeilge.”

Nuair a thosaigh Enda Kenny ag caint faoi deireadh a chur le Gaeilge sna scoileanna i 2006 nó mar sin bhalaíodh roinnt de na nathanna nuachtain a foilsíodh ag an am ar shuiomh anghaeltacht.net faoin dteideal "Fís Enda!" Tá an cuid is mó de na nascanna "marbh" faoi seo ach mar sin féin tá roinnt rudaí spéisiúil ann mar aon le nasc chuig achainí (atá fós beo is cosúil!)
Iarrann na daoine thíosluaite ar Fhine Gael a aithint

1. Go ndéanfaidh an polasaí seo dochar do stádas

agus d'úsáid na Gaeilge sna blianta atá romhainn.

2. Gur teanga bheo í an Ghaeilge ar chóir í a

mhúineadh do gach dalta sa tír, ionas go mairfidh sí mar theanga nua-aimseartha do na glúinte romhainn.

Iarrann muid ar Fhine Gael an chuid seo dá bpolasaí a athrú dá réir.


Tá an pictiúir thuas ann a árdáionn an frithrá inmheanach i bhFine Gael idir pholasaí an pháirtí agus ráiteas a ceannaire Enda Kenny. Mar a deireann an postaer ní raibh aon rud as nGaeilge ar shuíomh an pháirtí faoi polasaí ar bith. (I ndairire níl mórán i nGaeilge ar shuíomh phairtí ar bith, fiú an páirtí a maíonn gur iad siúd a chuirfeadh an Gaeilge chun chinn - déan comparáid idir aon pháirtí in Éireann agus Plaid Cymru na Breataine Bige!)
Share/Save/Bookmark

7.6.10

Meadú ar lucht na Gaeilge?

"Níl na focla 'cainteoir dúchais' luaite fiú uair amháin sa 15,062 sa Straitéis!"

Scríobh Éamonn Mac Niallais, Guth na Gaeltachta, an abairt scanraitheach, scannallach in alt seachtain ó shin i nGaelscéal, seachtain ó shin. "An Straitéis 20 Bliain don Ghaeilge: and bhfuil sí chun tairbhe na Gaeltachta?" and t-ainm a bhí air.

Cé go ndeirtear go bhfuil meadú tagtha ar an méid a úsáideann an cúpla focal, ach an bhfuil na cainteoirí seo ag caint Gaeilge lena a chuid cháirde nó sa mbaile. An dtógfaidh siad a gclann le Gaeilge? Nuair a deirtear go bhfuil méadú tagaithe ar méid na gcainteoirí an bhfuil sé fíor i ndairíre?

A cabhródh an "dhá theangachas" le meadú na Gaeilge nó an amhlaidh go méadú úsáid an Bhéarla sa Ghealtacht agus gan an méadú céanna sa chuid eile den tír atá ag tarlúint?
"Is í an Ghaeltacht tobar na teanga go fóill agus is iad na teaghlaigh sin sa Ghaeltacht a thógann a gclann le Gaeilge croí na teanga."

An gcreideann lucht na straitéise é sin?

Léigh an 15,062 focal sa Straitéis - Straitéis 2010-2030.
Share/Save/Bookmark

24.4.10

Teanga iomlán daonna?

Tá tuairisc ar Árd Fheis Chonradh na Gaeilge i nGaelscéal na seachtaine seo.

Fáilte roimh an óige
Ni raibh mé ann ach chonaic mé chuid de ar an gcraoladh ar an idirlín. Is cosúil go raibh breis is dhá chéad ag an gcruinniú - de bharr an toghchán deirtear. Ach tá dainséar ann nach ndíreofar aird ar pholasaithe seachas phearsana nó polataíocht sa Chonradh. Ní mór teach le chéile go láidir gan acrann "ar son na cúise!"

Rud a thug mise faoi dearadh ná spiorad agus fearg an Uachtaráin ath-tofa, Pádraigh Mac Fhearghusa. "Tá mise i gConradh na Gaeilge ar son na hoibre, ar son an aontais, ar son brú a chur ar na státseirbhísí atá inar coinne!"

Ina aitheasch fuinniúil tháinig sé thar n-ais ní ba láidre ar an gceist sin. Chuir sé an ceist ortha go borb, i mBéarla borb: "Do you regard Irish as a fully human language?"

Chuir sé fáilte faoi leith roimh na daoine óga a bhí ag an Árd Fheis agus leag sé béim ar tabhacht an ghlúin nua do Chonradh.

Is cosúil go bhfuil beocht agus fuinneamh agus díogras sa sean-Chonradh fós!

Féach ar "A fully human language?" ar The Hidden Ireland.
Share/Save/Bookmark

16.3.10


Beidh Gaelscéal, "an nuachtán seachtainiúil Gaeilge is nuálaí, is bríomhaire agus is tráthúla dá bhfuil ann," ar fáil sna siopaí gach Aoine ón 26ú Márta, 2010. Deirtear go dtabharfaidh sé spléachadh do léitheoirí fud fad oileán na hÉireann ar chúrsaí reatha, idirnáisiúnta, náisiúnta agus réigiúnach; oideachas, spórt, cúrsaí saoil, caitheamh aimsire maraon le saol na Gaeilge & na Gaeltachta.

Is nuachtán ildaite, 32 leathanach i bhfoirm tablóideach atá ann a bheidh ar fáil ar fud na 32 condae agus ar shíntúis thar lear. Cuirfidh a suíomh idirlíon www.gaelsceal.ie áis idirghníomhach ar-líne ar fáil do Ghaeil chun iad féin a chur in iúl tré fís, fuaim & focal, chomh maith le caighdeán árd scríbhneoireachta an nuachtáin féin. (agus é seo á scríobh ní raibh fáil air ach beidh sé le fáil go luath!)

Amach anseo, tabharfaidh fóraim agus blaganna deis do dhaoine gur suim leo, a dtuairimí a nochtadh ar iliomad ábhar. Beidh béim faoi leith ar úsáid na meáin dhigitigh chun ábhar oideachasúil agus eile a fhorbairt.

Scéalta

Má tá suim agat scéalta a chur cuchu nó eolas faoi imeachtaí nó grianghraf nó fógra chuir istigh ann, seo an seoladh r-phoist: eolas@gaelsceal.ie

Ná déan dearmad inseacht don nuachtánaí is ansa leat cóipeanna do Gaelscéal a ordú dhuit.
Share/Save/Bookmark